“Qarabağ”ın oyunu türk əsilli hakimə tapşırıldı
Azərbaycan çempionu “Qarabağ”ın UEFA Çempionlar Liqasının qrup mərhələsi çərçivəsində İspaniyanın “Atletiko” klubuna qarşı keçirəcəyi səfər matçının hakimləri müəyyənləşib.
Faktor.az xəbər verir ki, UEFA Madrid şəhərində baş tutacaq bu qarşılaşmanı almaniyalı hakimlər briqadasına həvalə edib.
Görüşün baş hakimi Dəniz Aytəkin olacaq. Türk əsilli referiyə yan xətt hakimləri Quido Kleve və Markus Haker kömək edəcəklər. Əlavə köməkçi hakimlər Daniel Sibert və Benjamin Brand olacaq. Ehtiyat hakim funksiyasını isə Eduard Beytinger yerinə yetirəcək.
“Atletiko” - “Qarabağ” oyunu oktyabrın 31-də “Vanda Metropolitano” stadionunda keçiriləcək və Bakı vaxtı ilə saat 23:45-də start götürəcək.
UEFA Çempionlar Liqası
C qrupu
31 oktyabr
23:45. “Atletiko” - “Qarabağ”
Baş hakim: Dəniz Aytəkin
Yan xətt hakimləri: Quido Kleve, Markus Haker.
Əlavə köməkçi hakimlər: Daniel Sibert və Benjamin Brand.
Ehtiyat hakim: Eduard Beytinger (hamısı Almaniya).
