5 oyunda 1 qələbə
Sabah Azərbaycanın iki klubu Avropa Liqasının II təsnifat mərhələsinin oyununa çıxacaq.
Faktor.az xəbər verir ki, “Qəbələ” və “Zirə”nin oynayacağı gün klublarımız üçün uğurlu sayılmır.
Belə ki, indiyədək iyulun 13-də keçirdiyimiz 5 qarşılaşmada yalnız 1 dəfə komandamız qalib gəlib. Yeganə qələbəni “Karvan” əldə edib. Yevlax təmsilçisi 11 il əvvəl ev oyununda Slovakiya “Spartak”ına gücünü göstərib – 1:0. Həmin il “Qarabağ” da eyni gündə qol sevinci yaşayıb. Lakin ağdamlılar Moldova səfərində “Zimbru” ilə “sülh”lə ayrılıb – 1:1.
Digər 3 görüşdə isə təmsilçilərimiz uduzub. “İnter” evdə, “Neftçi” isə 2 səfər qarşılaşmasında buna üzülüb. Sonuncu belə matçda “ağ-qaralar” Zaqrebdə “Dinamo”dan 3 cavabsız qol yeyib.
2004/05, Çempionlar Liqası
1-ci təsnifat mərhələsi
13 iyul. “Şiroki Brieq” (Bosniya və Herseqovina) – “Neftçi” - 2:1
2006/07, UEFA kuboku
1-ci təsnifat mərhələsi
13 iyul. “Zimbru” (Moldova) – “Qarabağ” - 1:1
13 iyul. “Karvan” – “Spartak” (Trnava, Slovakiya) - 1:0
2010/11, Çempionlar Liqası
2-ci təsnifat mərhələsi
13 iyul. “İnter” – “Lex” (Polşa) - 0:1
2011/12, Çempionlar Liqası
2-ci təsnifat mərhələsi
13 iyul. “Dinamo” (Zaqreb, Xorvatiya) – “Neftçi” - 3:0
