“Sumqayıt” qələbəni əldən verdi, “Neftçi”dən darmadağın - YENİLƏNİB - VİDEO
Bu gün Topaz Premyer Liqasında 26-cı tura start verilib.
Faktor.az xəbər verir ki, ilk oyun günündə iki qarşılaşma baş tutub.
Turun açılış matçında “Sumqayıt” “Zirə”ni qəbul edib. Avropa Liqasına vəsiqə verən 4-cü yer uğrunda mübarizə aparan komandaların duelində qalib gələn olmayıb. "Kimyaçılar" sona 7 dəqiqə qalmış hesabı açsa da, qonaqlar son dəqiqədə bərabərlik aolunu vurub. Ayaz Mehdiyevin səbəb olduğu penaltini Milan Duriç dəqiq yerinə yetirib.
Ayxan Abbasovun yetirmələrinin qarşılaşmadan 1 xalla ayrılması "Neftçi"ni ümidlədirib. “Zirə”nin büdrəməsinə istifadə edən “Neftçi” turnir cədvəlindəki qonşusu, autsayder AZAL-ı darmadağın edib. 4 qolun vurulduğu qarşılaşmada qonaqların oyunçusu Nuqzar Kvirtiya penalti zərbəsindən yararlana bilməyib.
Topaz Premyer Liqası
26-cı tur
15 aprel (şənbə)
“Neftçi” – AZAL - 4:0
Qollar: Zdenek Folprext, 14; Daniel Seqovia, 17, Herrera, 35, Rəhman Hacıyev, 55
İstifadə olunmayan penalti: Nuqzar Kvirtiya, 75 (üst)
Mövsümün ilk 3 oyunu: 2:0, 0:1, 1:0
Hakimlər: Orxan Məmmədov, Knyaz Əmiraslanov, Vüsal Qənbərov, Fariz Yusifov
AFFA nümayəndəsi: Ramiz Mustafayev
Hakim inspektor: Əhmədağa Cabbarov
8-ci km stadionu
“Sumqayıt” – “Zirə” - 1:1
Qollar: Mirabdulla Abbasov, 83 - Milan Duriç, 90+4 (pen)
Mövsümün ilk 3 oyunu: 1:0, 1:0, 0:1
Hakimlər: Əliyar Ağayev, Zeynal Zeynalov, Rza Məmmədov, Elvin Əsgərov
AFFA nümayəndəsi: Vaqif Davudov
Hakim inspektor: Məlik Həsənov
Sumqayıt. Şəhər stadionu
