"Real" 17 yaşlı futbolçunun transferini razılaşdırıb
Braziliyanın "Sao Paulo" klubunda çıxış edən Auqusto Qalvan "Real Madrid"ə transfer olunacaq.
Faktor.az xəbər verir ki, Madrid klubu 17 yaşlı yarımmüdafiəçinin keçidini qarşı tərəflə razılaşdırıb. Transfer 3 milyon avroya başa gələ bilər. Bunun 1 milyon avrosunu "Sao Paulo" birbaşa alacaq. Qalvanın çıxışından asılı olaraq qalan 2 milyon hissə-hissə Braziliya klubunun hesabına köçürüləcək.
Qeyd edək ki, Qalvanın "Sao Paulo" ilə cari müqaviləsi martda başa çatır.