AzMİU-da onlayn dərslər mühazirə və məşğələ formatında aparılır
Azərbaycan Memarlıq və İnşaat Universitetində (AzMİU) dərslər sentyabrın 15-dən onlayn formada başlayıb.
AzMİU-dan Faktor.az-a bildirilib ki, “Zoom” platforması vasitəsilə keçirilən dərslərə tələbələr elektron kabinetlərinə daxil olaraq qatılırlar. Onlayn dərslər əsasən mühazirə və məşğələ formatında aparılır.
Universitet rəhbərliyi mütəmadi olaraq onlayn dərslərə qoşulur, dərs prosesini yaxından izləyir.