Bakıda müəllimin intiharı ilə bağlı cinayət işi açıldı

Hit: 870
Bakıda müəllimin intiharı ilə bağlı cinayət işi açıldı
Baş Prokurorluq Bakıda müəllimin intiharı ilə bağlı məlumat yayıb.
 
Qurumun Mətbuat xidmətindən Faktor.az-a daxil olan məlumatda deyilir: 
 
Bəzi kütləvi informasiya vasitələri və sosial media səhifələrində 121 nömrəli tam orta məktəbin ibtidai sinif müəllimi Naidə İsayevanın paytaxtın Nərimanov rayonunda hündürmərtəbəli binadan özünü ataraq intihar etməsi barədə məlumatlar yayılıb.
 
Bildiririk ki, sentyabrın 16-sı saat 15 radələrində paytaxtın Suraxanı rayonu, Hövsan qəsəbə sakini Naidə İsayevanın Nərimanov rayonu, Aşıq Molla Cümə küçəsində yerləşən hündürmərtəbəli binanın 16-cı mərtəbəsindən özünü ataraq intihar etməsi barədə Nərimanov Rayon Prokurorluğuna məlumat daxil olub.
 
Dərhal prokurorluq əməkdaşları tərəfindən məhkəmə-tibb ekspertinin iştirakı ilə hadisə yerinə və meyitə baxış keçirilib, digər prosessual hərəkətlər yerinə yetirilib. 
 
Faktla bağlı Nərimanov Payon Prokurorluğunda Cinayət Məcəlləsinin 125-ci (özünü öldürmə həddinə çatdırma) maddəsi ilə cinayət işi başlanıb.
 
İş üzrə müvafiq ekspertizalar təyin edilib, şahidlərin dairəsi müəyyənləşdirilərək dindirilib, o cümlədən digər prosessual hərəkətlər yerinə yetirilib. 
 
"Cinayət işi üzrə bütün halların tam, hərtərəfli və obyektiv araşdırılmasını təmin etmək məqsədi ilə istintaq tədbirləri davam etdirilir", - Mətbuat xidmətindən bildirilib.








Redaktorun seçimi