Təmiz su və onun istifadəsi ilə bağlı maarifləndirmə tədbirləri keçirilir

Hit: 1283
Təmiz su və onun istifadəsi ilə bağlı maarifləndirmə tədbirləri keçirilir
BMT İP, Ekologiya və Təbii Sərvətlər, Nazirliyi və Təhsil Nazirliyi, Respublika Uşaq-Gənclər İnkişaf Mərkəzinin birgə təşkilatçılığı ilə “İqlim dəyişmələrinin su ehtiyatlarına təsiri, su ilə bağlı problemlər, maarifləndirmə və həyata keçirilən layihələr” mövzusunda iyul-avqust aylarında məktəblilər üçün hər şənbə günü vebinarlar keçirilir.
 
Faktor.az xəbər verir ki, vebinarlarda Ekologiya və Təbii Sərvətlər Nazirliyinin, Təhsil Nazirliyinin Respublika Uşaq-Gənclər İnkişaf Mərkəzinin yüksək səviyyəli ekspertləri dörd ayrı mövzu ilə çıxış edirlər.
 
Vebinarlar sosial şəbəkədə yayımlanır və maraqlanan uşaqlar qeydiyyatdan keçərək qoşula bilirlər. Bakı şəhəri üzrə 30 ümumtəhsil müəssisəsinin və 21 regional Uşaq-Gənclər İnkişaf Mərkəzinin ümumilikdə 200-dən çox dərnək üzvü ilə yanaşı, eko-klubun dərnək rəhbərləri də vebinarlarda iştirak edirlər.
 
Onlayn tədbirin əsas məqsədi insan həyatı və sağlamlığı, öncəliklə də uşaqların həyatının və sağlamlığının mühafizəsi üçün ən əhəmiyyətli məsələlərdən biri olan təmiz su və onun istifadəsi, iqlim dəyişmələrinin su ehtiyatlarına təsiri, Azərbaycanda mövcud su ehtiyatı ilə bağlı problemləri məktəblilər arasında müzakirə mövzusuna çevirmək və maarifləndirmə işini təşkil etməkdir.
 
İyulun 18-dən keçirilən layihənin bağlanış mərasiminin avqustun 8-də keçirilməsi nəzərdə tutulur. Bağlanış mərasimində fəal məktəblilərin və su ilə bağlı layihələrin qaliblərinin təltif edilməsi planlaşdırılır.
 
Bu günə qədər keçirilən vebinarlarda “Su probleminin yaranma səbəbləri”, “İqlim dəyişmələrinin su ehtiyatlarına təsiri”, “Maarifləndirmə: amalımız-sudan qənaətlə istifadədir!” mövzularında çıxışlar dinlənilib.








Redaktorun seçimi