Cəlilabadda Quran gecəsi keçirilib - FOTOLAR
Cəlilabad Cümə məscidində Xocalı Soyqrımına həsr olunmuş Quran gecəsi keçirilib
Faktor.az xəbər verir ki, mərasimdə ilahiyyatçı alimlər, ziyalılar, ağsaqqallar, məddahlar o cümlədən Quran qariləri iştirak ediblər.
Mərasimdə çıxış edənlər Xocalı soyqırımının 28-ci ildönümünü qeyd edildiyini diqqətə çatdırıblar, Xocalı qətliamı zamanı erməni silahlı qüvvələri tərəfindən törədilmiş vəhşiliklər, amansızcasına qətlə yetirilmiş yaşlılar, qadınlar və uşaqlar barədə məlumat verilib. Bildirilib ki, Xocalı soyqırımı Azərbaycan xalqının tarixində ən ağır faciədir.
Daha sonra Quran qariləri müqəddəs kitabdan müxtəlif surələri tilavət ediblər.
Mərasimin sonunda Qarabağ torpaqları uğrunda gedən döyüşlərdə şəhid olanların ruhuna dualar oxunub.
