Ağac kəsən şəxs cəzalandırılıb

50 dəfə oxunub
Ağac kəsən şəxs cəzalandırılıb
Ağsu şəhərində ağacların kəsilməsi ilə bağlı Ekologiya və Təbii Sərvətlər Nazirliyinə (ETSN) daxil olan şikayət Nazirliyin yerli ekologiya idarəsinin əməkdaşları tərəfindən araşdırılıb.
 
Bu barədə Faktor.az-a ETSN-in Mətbuat Xidmətindən məlumat verilib.
 
Araşdırma zamanı şəhərin Molla Vəli Vidadi küçəsində 6 söyüd ağacının icazəsiz kəsildiyi aşkar edilib. Ağacların Ağsu "Yaşıllaşdırma və Abadlaşdırma" MMC-nin rəisi Namiq Mürsəlovun göstərişi ilə kəsildiyi və təbiətə 1360 manat məbləğində ziyan dəydiyi müəyyən olunub.
 
Faktla bağlı akt tərtib edilib.
 
Dəymiş ziyanın məbləği cinayət tərkibi yaratdığından toplanmış sənədlər qanunamüvafiq tədbirlərin görülməsi üçün Ağsu Şəhər Prokurorluğuna göndərilib.



Redaktorun seçimi