İmadəddin Nəsimiyə həsr olunan beynəlxalq elmi konfrans keçiriləcək
Prezident İlham Əliyevin Azərbaycan Respublikasında 2019-cu ilin “Nəsimi ili” elan edilməsi haqqında Sərəncamına uyğun olaraq, noyabrın 29-dan dekabrın 1-dək “İmadəddin Nəsiminin dövrü: ictimai-siyasi həyat və mədəniyyət” mövzusunda beynəlxalq elmi konfrans keçiriləcək. Bu barədə Faktor.az-a Azərbaycan Milli Elmlər Akademiyasının (AMEA) Tarix İnstitutundan bildirilib.
Beynəlxalq konfransın təşkilatçıları AMEA-nın Tarix, Şərqşünaslıq və Elm Tarixi institutlarıdır.
