Peşə təhsili müəssisələrinə sənəd qəbulu bu gün başa çatır - YENİLƏNİB
Bu gün 2019-2020-ci tədris ili üzrə dövlət peşə təhsili müəssisələrinə elektron qaydada sənəd qəbulu başa çatır.
Bu barədə Faktor.az-a Təhsil Nazirliyindən bildirilib.
Xəbərdə qeyd olunur ki, bu gün saat 14:00-dək olan məlumata görə, artıq 10 768 nəfərin müraciəti qeydə alınıb. Müraciət edənlər əsasən aşpaz, dərzi, aqroservis mütəxəssisi, heyvandarlıq mütəxəssisi və kompüter operatoru ixtisaslarına üstünlük veriblər.
