Ən yüksək maaşı kimlər alır?

Hit: 265
Ən yüksək maaşı kimlər alır?

Azərbaycan iqtisadiyyatında muzdla çalışan işçilərin orta aylıq nominal əməkhaqqı 2019-cu il iyunun 1-nə 583,7 manat olub. Novator.az Dövlət Statistika Komitəsinin saytında iqtisadi fəaliyyət növləri üzrə orta aylıq əməkhaqqı göstəricilərinə də nəzər salıb.

Yanvar-may aylarında ən yüksək orta maaş mədən sənayesində qeydə alınıb: 3 min 117 manat. 

Maliyyə və sığorta fəaliyyəti sahəsi 1709,5 manat orta maaşla ikinci, peşə, elmi və texniki fəaliyyət sahəsi 1131,3 manatla üçüncü sıradadır. 

Digər sahələrdə orta maaş bu məbləğlərdə rəsmiləşib: 

informasiya və rabitə – 977,7 manat; 

nəqliyyat və anbar təsərrüfatı – 821,7 manat; 

tikinti – 709,9 manat; 

dövlət idarəetməsi və müdafiə; sosial təminat – 642,6 manat; 

elektrik enerjisi, qaz və buxar istehsalı, bölüşdürülməsi və təchizatı – 622,5 manat; 

emal sənayesi – 610,6 manat; 

daşınmaz əmlakla əlaqədar əməliyyatlar – 590,6 manat; 

turistlərin yerləşdirilməsi və ictimai iaşə – 550,3 manat; 

təhsil – 398,1 manat; 

su təchizatı, tullantıların təmizlənməsi və emalı – 395,9 manat; 

ticarət; nəqliyyat vasitələrinin təmiri – 393,6 manat; 

inzibati və yardımçı xidmətlərin göstərilməsi – 387,5 manat; 

istirahət, əyləncə və incəsənət sahəsində fəaliyyət – 357,9 manat; 

kənd təsərrüfatı, meşə təsərrüfatı və balıqçılıq – 315,6 manat; 

əhaliyə səhiyyə və sosial xidmətlərin göstərilməsi – 298 manat; 

digər sahələrdə xidmətlərin göstərilməsi – 574,6 manat.









Redaktorun seçimi