Avropa liqasının finalı günü metropoliten gücləndirilmiş iş rejimində çalışıb - VİDEO

Hit: 773
Avropa liqasının finalı günü metropoliten gücləndirilmiş iş rejimində çalışıb - VİDEO

SƏHƏR SAAT 5-Ə KİMİ SƏRNİŞİNLƏRİN XİDMƏTİNDƏ

Futbol üzrə UEFA Avropa liqasının final qarşılaşmasının Bakı Olimpiya Stadionunda keçirilməsi ilə əlaqədar Bakı metropoliteni oyunun keçirildiyi 29 may və 30 maya keçən gecə gücləndirilmiş iş rejimində çalışıb.
Paytaxt sərnişinləri və qonaqlarının təhlükəsizliyini, rahat hərəkətini təmin etmək məqsədilə əlavə işçi qüvvəsi və texniki vasitələr cəlb olunub. Olimpiya stadionunda oyunu canlı izləyən tamaşaçıların metropolitendən istifadəsi tam şəkildə təmin edilib. Metro stansiyaları saat 4:00-a qədər sərnişinlərin girişinə açıq olub. Səhər saat 5:00-a kimi bütün sərnişinlər mənzil başına çatdırlıb.
Onu da xüsusi vurğulayaq ki, may ayının 27-dən turistlərin daha sıx istifadə edəcəyi ehtimal olunan stansiyalarda 30 könüllü şəhərimizin qonaqlarına yüksək səviyyədə mədəni xidmət göstərib. Müvafiq qaydalarla təlimatlandırılan və hər biri yaddaş kitabçaları ilə təmin olunan metropoliten könüllüləri üzərinə “Ask me” (“Məndən soruş”) yazılan xüsusi geyimlərdə olublar.









Redaktorun seçimi