FHN 5 ay vaxt verdi

83 dəfə oxunub
FHN 5 ay vaxt verdi
İçərisində yaşayış olsa belə istismarına rəsmi icazə verilməyən çoxmərtəbəli binalara prosesi yekunlaşdırmaq üçün 5 ay vaxt verilib.
 
Faktor.az xezerxeber.az-a istinadən bildirir ki, bunu Fövqəladə Hallar Nazirliyinin tikintidə təhlükəsizliyə nəzarət agentliyinin rəis müavini Elxan Əsədov bildirib. Elxan Əsədov sahibləri ölən və ya həbsdə olan binalarda isə istismara verilmə prosesinin yerli icra qurumlarına həvalə edildiyini deyib.
 
Bakı şəhərində Tikintisi başa çatan və içərisində yaşayış olmasına baxmayaraq istismara qəbul aktı verilməmiş434 bina var. Bunu "XəzərXəbər"ə açıqlamasında Fövqəladə Hallar Nazirliyinin tikintidə təhlükəsizliyə nəzarət dövlət agentliyinin sədr müavini Elxan Əsədov deyib.Onun sözlərinə görə dövlət başçısının fərmanına əsasən bu cür binaların istismara qəbulunu sürətləndirmək məqsədilə görülən işlər çərçivəsində indiyədəkcəmi 26 binaya istismar aktı verilib. buna səbəb isə tikinti şirkətlərinin prosesə o qədər də maraq göstərməməsidir.
 
Elxan Əsədov dövlət başçısının fərmanına əsasən Agentlikdə qərargah yaradıldığını və bina sahiblərini bu mərkəzə müraciət etməklə işlərini daha da sürətləndirə biləcəklərini deyib. Agentliyin rəsmisi onu da bildirib ki, binaların sahiblərinə obyektləri təhvil vermələri üçün 5 ay vaxt verilib.

Agentliyin rəis müavini əgər sahibləri binanın vəziyyətini dəyişdirmək iqtidarında olmadığı halda, həmin binaların gələcək taleyinin necə olacağına da aydınlıq gətirib.

Agentliyin rəis müavini bildirir ki, binalarda mövcud olan problemlər müxtəlifdir. Elə binalar var ki, onlarda olan qüsurları aradan qaldırmaq üçün 10 gün, eləsi də var ki, 2-3 ay vaxt lazımdır. Buna görə də bina sahibləri işləri elə qurmalıdırlar ki, fərmanın tətbiq müddəti başa çatanadək sürətləndirmə prosedurlardan yararlana bilsinlər.

 



Redaktorun seçimi