Şəhid əsgərimizin torpağa verildiyi anlar - VİDEO
Xəbər verdiyimiz kimi şəhid əsgər Qəbələdə dəfn edilib.
Faktor.az xəbər verir ki, Azərbaycan Ordusunun hərbi qulluqçusu əsgər Alışov Səməd Anar oğlu dəfn edilib. Şəhid 1999-cu il təvəllüdlü S.Alışov doğulduğu Qəbələ rayonunun Zirik kənd qəbirstanlığında torpağa tapşırılıb.
Şəhidin dəfnində ailə üzvləri , Müdafiə Nazirliyinin, Səfərbərlik və Hərbi Xidmətə Çağırış üzrə Dövlət Xidmətinin, Qəbələ Rayon İcra Hakimiyyətinin əməkdaşları, rayon ictimaiyyətinin nümayəndələri və rayon sakinləri iştirak ediblər.
Qeyd edək ki, şəhidin 1 qardaşı və 1 bacısı var.
Allah rəhmət eləsin!
