"WhatsApp" çoxdan gözlənilən funksiyanı işə saldı
Məşhur mesajlaşma proqramı "WhatsApp" yenilikləri ilə sevindirməyə davam edir.
Xarici KİV-ə istinadən xəbər veririk ki, bundan sonra "WhatsApp"da mesaj göndərən istifadəçi həmin mesajı silə biləcək.
Bu barədə "WhatsApp" sözügedən xidmətlə bağlı rəsmi bloqunda məlumat verib.
Bildirilir ki, "Delete for everyone" adlı yeni xidmət vasitəsilə səhv yazdığınız və ya istəmədiyiniz mesajları rahatlıqla silə biləcəksiniz.
Qeyd edək ki, xidmət hələ ki, ABŞ üçün istifadəyə verilib və yaxın günlərdə bütün dünya da tətbiq olunacaq.
