Sosial şəbəkədə yazdıqlarınıza - DİQQƏT EDİN

Hit: 622
Sosial şəbəkədə yazdıqlarınıza - DİQQƏT EDİN

Azərbaycanda sosial şəbəkələri və bloqqer fəaliyyətini tənzimləyən qanun layihəsinin hazırlanması təklif olunur. 

Faktor.az
xəbər verir ki, belə bir təşəbbüslə Milli Məclisin İnsan Hüquqları Komitəsinin bu gün keçirilən iclasında Mətbuat Şurasının sədri, deputat Əflatun Amaşov çıxış edib. 

Deputat bildirib ki, bu gün dünyada bloqqerlərin fəaliyyəti başqa cür dəyərləndirilsə də, Azərbaycanda buna yanaşmada fərqli baxış var və onların fəaliyyət sərhədləri müəyyən edilməyib: “Hesab edirəm ki, bu sahənin fəaliyyətini tənzimləyən yeni qanuna ehtiyac var”. 

Deputat Hikmət Məmmədov (Babaoğlu) təklifi dəstəkləyib. O, bildirib ki, bu sahədə qanunvericilik bazası baxımından dünyada çox az praktika var: “Artıq Türkiyədə də bununla bağlı qanunvericilik bazası hazırlanır. Əgər razılıq olarsa, Əflatun müəllimlə birgə qanunvericilik təşəbbüsü ilə çıxış edə bilərik”. 

Milli Məclisin Dövlət quruculuğu üzrə qanunvericilik şöbəsinin sektor müdiri Sarvan Sadıqov təşəbbüsü dəstəkləyərək bildirib ki, hazırda bizdə bu sahədə xaos hökm sürür: “Kim nə istəyir onu yazır. Ona görə də bu sahənin qanunla tənzimlənməsinə ciddi ehtiyac var”.

Faktor.az









Redaktorun seçimi