Biləsuvar rayon Ağsaqqallar Şurası nəcib aksiya həyata keçirib
Biləsuvarda Qarabağ Müharibəsi Əlilləri, Veteranları və Şəhid Ailələri İctimai Birliyi və Biləsuvar rayon Ağsaqqallar Şurası nəcib aksiya həyata keçirdi.
15 iyun 2021-ci il tarixdə Biləsuvar rayonunda Qarabağ Müharibəsi Əlilləri, Veteranları və Şəhid Ailələri İctimai Birliyinin bir qrup üzvü birliyə təhkim olunmuş əkin torpağında becərilmiş arpa məhsulundan 8 ton ayıraraq daha çox ehtiyacı olan Vətən Müharibəsi qazilərinə paylanması üçün nəcib təşəbbüs göstərmişlər. Biləsuvar rayon Ağsaqqallar Şurası da bu nəcib aksiyaya qoşularaq 13 ton arpa məhsulu göndərmişlər. Ümumilikdə 21 ton arpa daha çox ehtiyacı olan 60 nəfər Vətən Müharibəsi qazilərinin ailələri ziyarət olunaraq onlara paylanıldı.
Bu məqsədlə keçirilən tədbirdə iştirak edən Biləsuvar rayon İcra Hakimiyyətinin Başçısı Faiq Qürbətov göstərdikləri nəcib təşəbbüsə görə həm Qarabağ Müharibəsi Əlilləri, Veteranları və Şəhid Ailələri İctimai Birliyinə, həm də Biləsuvar rayon Ağsaqqallar Şurasına öz təşəkkürünü bildirmişdir.
