Könüllülər Xocalı soyqırımına həsr olunmuş tədbir keçirdi

Hit: 354
Könüllülər Xocalı soyqırımına həsr olunmuş tədbir keçirdi
Azərbaycan Könüllü Təşkilatları İttifaqı Gənclər Fondunun dəstəyi ilə “Xocalıya ədalət!” beynəlxalq maarifləndirmə kampaniyası çərçivəsində “Xocalı soyqırımı 29 il yaddaşımızda” adlı onlayn görüş təşkil etmişdir.
 
150-yə yaxın gəncin qatıldığı görüşdə beynəlxalq maarifləndirmə kampaniyasının nümayəndəsi Cəbrayıl Fərzəliyev bu kampaniyanın fəaliyyəti haqqında məlumat verib. O, Xocalı soyqırımının tanıdılması, bu faciəni törədənlərin hüquqi müstəvidə cinayət məsuliyyətinə cəlb edilməsi və haqq səsimizin dünyaya çatdırılmasında “Xocalıya ədalət!” kampaniyasının mühüm rolunu, eləcə də gənclərimizin həm ölkə daxilində, həm də xaricdə bu kampaniya çərçivəsində həyata keçirdikləri fəaliyyətlərin vacibliyini qeyd edib.
 
Daha sonra Xocalı şahidi, Milli Qəhrəman Tofiq Hüseynovun qızı Yasəmən Həsənova həmin gecənin dəhşətləri haqqında danışıb. O, erməni canilərinin Xocalıda xalqımıza qarşı törətdiyi amansız cinayəti görmüş şahid olaraq, müzəffər Ali Baş Komandan İlham Əliyevin rəhbərliyi altında 30 ildən sonra Ermənistan üzərində əldə etdiyimiz şanlı qələbə, torpaqlarımızın geri qaytarılması ilə bağlı keçirdiyi qürur və sevinc hissini gənclərlə bölüşüb.
 
Tədbir gəncləri maraqlandıran sualların cavablandırılması ilə davam edib.
 







Redaktorun seçimi