Erməni-rus ordusu Qarabağ əməliyyatlarında iştirak edəcək? - General
Birləşmiş Ermənistan-Rusiya ordusu qarşıya qoyulan tapşırıqları yerinə yetirməyə hazırdır.
Teleqraf.com xəbər verir ki, bunu birləşmiş ordunun Ermənistandan olan komandanı Tiqran Parvanyan deyib.
General-mayor erməni-rus hərbi birləşməsinin Azərbaycanın işğal edilmiş Dağlıq Qarabağ bölgəsində keçirilməsi ehtimal olunan hərbi əməliyyatlarda iştirak edib-etməyəcəyi məsələsinə də aydınlıq gətirib.
O, birləşmiş Ermənistan-Rusiya ordusunun Qarabağdakı əməliyyatlarda iştirak etməyəcəyini bildirib:
“Birləşmiş qrup hərbi əməliyyatların başlanması vəziyyətində Qarabağdakı əməliyyatlara qoşulmağa çağırılmayacaq və çağırılmır. Lakin ordu öz vəzifələrini yerinə yetirməyə hazırdır”.