“Azərbaycanın növbəti uğuruna sevinməliyik”
Yəhudi blogger Aleksandr Lapşinin ölkəmizə təhvil verilməsi qürurvericidir.
Bu sözləri millət vəkili Adil Əliyev bildirib.
“Ermənistan tərəfindən işğal edilmiş ərazilərimizə qanunsuz səfər edən Lapşinin ölkəmizə ekstradisiyası Azərbaycanımızın bir güclü dövlət kimi yüksək nüfuzunun bariz nümunəsidir. Buna bənzər hadisə Ramil Səfərovun ekstradisiyası, aprel hadisələri və.s nümunələr göstərə bilərik. Bu hadisələr birdaha onu göstərir ki, Azərbaycan hüquqi dövlətdir və bütün beynelxalq konvensiyalar hörmətlə yanaşır. Bu həm də Ermənistana bir xəbərdarlıqdır. İnşallah torpaqlarımızı işğal edənlər və Xocalı sakinlərinə soyqırım törədənlər gec-tez, əli-qandallı məhkəmə qarşısına çıxacaqlar”.
