İlham Əliyev Dövlət Komissiyasının tərkibini təsdiqlədi
Prezident İlham Əliyev “Azərbaycan Respublikası ilə Rusiya Federasiyası arasında iqtisadi əməkdaşlıq məsələləri üzrə hökumətlərarası Dövlət Komissiyasının tərkibinin təsdiq edilməsi barədə” Azərbaycan Respublikası Prezidentinin 2006-cı il 25 avqust tarixli 1638 nömrəli Sərəncamında dəyişiklik edilməsi haqqında sərəncam imzalayıb.
Faktor.az xəbər verir ki, sərəncama əsasən “Azərbaycan Respublikası ilə Rusiya Federasiyası arasında iqtisadi əməkdaşlıq məsələləri üzrə hökumətlərarası Dövlət Komissiyasının tərkibinin təsdiq edilməsi barədə” Azərbaycan Respublikası Prezidentinin 2006-cı il 25 avqust tarixli 1638 nömrəli Sərəncamının 1-ci hissəsi ilə yaradılmış Komissiyanın tərkibi aşağıdakı redaksiyada verilib:
“Komissiyanın sədri
Azərbaycan Respublikasının iqtisadiyyat naziri
Komissiyanın üzvləri
Energetika nazirinin müavini
Əmək və əhalinin sosial müdafiəsi nazirinin müavini
Fövqəladə hallar nazirinin müavini
Gənclər və idman nazirinin müavini
Xarici işlər nazirinin müavini
Kənd təsərrüfatı nazirinin müavini
Mədəniyyət nazirinin müavini
Nəqliyyat, rabitə və yüksək texnologiyalar nazirinin müavini
Səhiyyə nazirinin müavini
Təhsil nazirinin müavini
Dövlət Turizm Agentliyinin sədri
Dövlət Gömrük Komitəsi sədrinin müavini
Diasporla İş üzrə Dövlət Komitəsi sədrinin müavini
Dövlət Sərhəd Xidməti rəisinin müavini
“Azərbaycan Xəzər Dəniz Gəmiçiliyi” Qapalı Səhmdar Cəmiyyətinin sədri
“Azərbaycan Dəmir Yolları” Qapalı Səhmdar Cəmiyyətinin sədri
“Azərbaycan Hava Yolları” Qapalı Səhmdar Cəmiyyətinin prezidenti
“Azərenerji” Açıq Səhmdar Cəmiyyətinin prezidenti
Dövlət Neft Şirkətinin vitse-prezidenti
Azərbaycanın Rusiya Federasiyasında fövqəladə və səlahiyyətli səfiri.
Xarici İşlər Nazirliyi bu Sərəncamın 1-ci hissəsi ilə edilən dəyişikliklər barədə Rusiya Federasiyası tərəfinə bildiriş göndərməlidir.