İnkassatorun sürücüsü 3,4 milyon avro ilə yoxa çıxıb
Paris yaxınlığında inkassator maşınının sürücüsü içərisindəki 3,4 milyon avro ilə yoxa çıxıb.
Xarici KİV xəbər verir ki, “Loomis” şirkətinə məxsus furqon "Western Union”un yerli filialının qarşısında dayanıb. İki əməkdaş pulun bir hissəsi ilə şirkətə daxil olub. Geri qayıdan zaman furqon sürücü ilə birgə yoxa çıxıb.
Bir müddət sonra inkassator maşını dayanacaqdan bir neçə kvartal uzaqlıqda aşkarlanıb. Lakin içərisində nə sürücü, nə də pul olub.
İnsidenti araşdırmaq quldurluqla mübarizə briqadasına tapşırılıb.
