Çaldıran döyüşü Azərbaycan, Türkiyə və İran dərsliklərində - ARADAKI FƏRQƏ BAXIN - VİDEO
İstər Azərbaycan, istərsə də Türkiyənin mətbuat və televiziyalarında Çaldıran döyüşü ilə bağlı zaman-zaman müzakirələr aparılır, kimin haqlı, kimin haqsız olduğunu araşdırmağa çalışırlar. Hələ Şah İsmayıl və Sultan I Səlimlə bağlı konfranslar təşkil edib hər iki cahangiri “barışdırmağa” da cəhd edirlər. Əslində bunlar təqdirəlayiq və alqışlanası işlərdir. Ancaq televiziyalarda və konfranslarda bu məsələni müzakirəyə açan aydınlarımız nədənsə Çaldıran döyüşünün Azərbaycan, Türkiyə və İran dərsliklərində fərqli formada təqdimatından söhbət açmırlar. Dərsliklərdə yer alan bu qərəz ortadan qalxmadıqca nə tele-debatların, nə də elmi simpoziumların bir faydası olmayacaq. Çünki həmin dərsliyi oxuyan uşaqlarımız efirlərdə danışılanlara yox, oxuduğuna inanacaq və o cür də münasibət sərgiləyəcək. Əgər bu məsələni yoluna qoymaq niyyətindəyiksə, o zaman öncə dərsliklərimizdə olan yanlışlığı ortadan qaldırmalıyıq.
Faktor.az-ın təqdim etdiyi bu videoda həmin dərsliklərdəki yanlışların nələr olduğunu görmək mümkündür.
