Seda Sayanın ərə getməməsinin əsl səbəbi bəlli oldu - FOTO
Müğənni Seda Sayanın 6 ildir sevgili olduğu Erkan Çelikdən ayrılmasının əsl səbəbi bəlli olub.
Faktor.az axşam.az-a istinadən bildirir ki, Sedanın Sinan Engindən olan Oğulcan adlı övladı anasının Erkanla rəsmi nikaha girməsini istəməyib.
Bunu eşidən Çelik Sayan ilə mübahisə edib və sənətçi sevgilisindən ayrılmaq qərarına gəlib.
Ötən gün bu barədə açıqlama verən S.Sayan sosial şəbəkədə yazıb:
"...Erkan Çelik ilə sevgi, hörmət və sədaqət çərçivəsində davam edən bərabərliyimizdə sevgini, dostluğu və iş yoldaşlığını gözlərinizin önündə yaşadıq... Lakin gərgin iş həyatımızın gətirdiyi yorğunluqla münasibətimizi bitirmək nöqtəsinə gəldik. Bu səbəbdən də ayrılmağımızın ən düzgün qərar olduğu nəticəsinə gəldik.
İş yoldaşlığımız və dostluğumuz isə əbədidir".
