Vərəmin 6 əlaməti - Gecikməyin!
Vərəm hər il yüz minlərlə insanın ölümünə səbəb olur. Hər saniyədə yer üzündə bir insanda bu infeksiya diaqnoz olunur. Azərbaycan da vərəmə yoluxma üzrə aktiv zonalardandır.
Vərəmin simptomları bəzən gizli getsə də, bir neçə əlaməti var ki, elə onlara əsasən dərhal həkimə müraciət etmək olar.
Əgər insan dözümlü, güclü immunitetə sahibdirsə, Kox bakteriya çöplərinin aktivliyini örtüb, xəstəliyi gizli formaya keçirəcək.
Faktor.az medicina.az-a istinadən təkcə adı ilə insanların kabusuna çevrilən vərəmin 6 əlamətini təqdim edir.
1.Ən əsas əlamət Öskürəkdir.
Ağciyərlərdə hər hansı infeksiya mütləqöskürəklə biruzə verir.İlk başda öskürək uzun, üzücü, çox olmur, demək olar, narahat etmir. Əgər qrip deyilsizsə, bronxit yoxdursa, allergiya öskürəyi deyilsə və öskürək 3 həftədən artıq davam edib, tərləmə, təngnəfəslik verirsə, o zaman həkimə gedib vərəmi istisna edin.
2.Döş qəfəsində ağırlıq, ağrı
Bakteriyalar bütün tənəffüs sistemini zədələyir, tənəffüs çətinləşir, dərin olmur, burun axır, tutulur, ağciyərlərdə xırıltı, xışıltı, küy eşidilir, bəzən qanla qarışıq bəlğəm çıxır. Döş qəfəsi həm öndən, həm arxadan ağrı o deməkdir ki, vərəm plevriti yaranıb.
3.Subfebril hərarət
Qolaltı ölçmədə termometrdə göstərici 37,5göstərirsə və bu uzun müddət davam edirsə, başağrısı, halsızlıq da buna qoşulubsa, o zaman həkimə getməlisiz
4.Arıqlama, çəki itkisi, iştahsızlıq
Bakteriyalarla mübarizə üçün səfərbər olan immunitet həzmə sərf olunacaq enerjiyə qənaət etmək üçün avtomatik iştah düyməsini söndürür. Əgər görsəniz ki, ən dadlı, sevdiyiniz yeməyə belə əl uzada bilmirsiz, gün ərzində acımırsız, ağız dadınız itib, çəkiniz getdikcə azalır, o zaman ciyərlərinizi yoxladın
5.Titrətmə və tərləmə
Əgər insana gah isti, gah soyuqdursa, bəzən istilis gəlirsə, gecələr yuxuda tərləyirsə, bu vərəmin açıq əlamətidir.
6.Halsızlıq, huşsuzluq, depressiya
Orqanizm bakteriya ilə mübarizə apardığı üçün insanın digər resurslarına vaxt və enerji ayırmır, sanki onu təcrid edir. Səbəbsiz depressiya, səhərlər yerindən qalxmamaq, gücsüzlük, yorğunluq, huşsuzluq bunlar hamısı digər xəstəliklərdə görüldüyü kimi, vərəmin də olduğuna işarə edə bilər. Bir şərtlə ki, yuxarıda sadalanan əlamətlərdən azı 2-si paralel olsun.
