Ev əhlinin "düşmən"i: XORULDAYAN İNSANLAR

159 dəfə oxunub
Ev əhlinin "düşmən"i: XORULDAYAN İNSANLAR

Keyfiyyətli və dərin yuxu sağlam həyatın ən başlıca şərtlərindən biridir. Ekspertlər bildirirlər ki, qeyri-normal yuxu orqanizmin müqavimətinə, xarici görünüşə, dəri və şaçların vəziyyətinə, əhval-ruhiyyəyə, iştaha və s. mənfi təsir göstərir. Şirin və rahat yuxunu bir çox səbəblər poza bilər. Onlardan biri də xorultudur.

Faktor.az medicina.az-a istinadən xorultunun yaranma səbəblərini araşdırıb.

Xorultu əslində kənar insanlara narahatlıq verməklə yanaşı xoruldayan inasanın özünə də rahat yatmağa mane olur. Statistikaya görə, Yer əhalisinin 35-40%-i xorultu problemi ilə qarşı-qarşıyadır.  

Xorultu havanın nəfəs yollarından keçdiyi vaxt əmələ gələn səsdir. Bu zaman udlaq əzələləri bir-birinə toxunur. Çox vaxt xorultu burun çəpərinin əyriliyi, badamcıqların iltihabı səbəbindən, o cümlədən də artıq çəkidən meydana çıxır.  Burunda yerləşən nəfəs yollarının darlığı, uzun dilçək də xorultuya səbəb ola bilər. Həmçinin yuxu öncəsi alkoqolun qəbulu, siqaret çəkmə və s. də xorultunu tətikləyir.

Xoruldama yuxu zamanı nəfəsin dayanması  - apnoe halı baş verə bilər ki, bu da həyat üçün təhlükəli hesab edilir.  Bu hal gecə boyunca bir neçə dəfə təkrarlana bilər. Nəticədə də insanın qanında oksigenin səviyyəsi azalır. Bu isə səhər oyandıqda yorğunluq, baş ağrısı, gərginlik, iştahsızlıq kimi hallara yol açır.  

Xorultudan ev şəraitində xilas olmaq çox çətinditr. Amma bəzən qida rasionundan alkoqolun çıxarılması, siqaretdən imtina kimi sadə "pəhriz"  xorultudan yaxa qurtarmağa kömək ola bilər.  Yatarkən hündür yastıqdan istifadə etmək də xorultuya səbəb olur. Buna görə də yatağınıza xüsusi diqqət yetirin.

Öncə xorultunun səbəbini tapmaq lazımdır. Bunun üçün ən yaxşı LOR mütəxxəsissə müraciət etməkdir.



Redaktorun seçimi