Ürəyin sağlamlığını qoruyan - MÜKƏMMƏL QARIŞIQ
Düzgün və sağlam qidalanma ürəyin və damarların sağlamlığında olduqca böyük rol oynayır. Bəzi məhsullar var ki, onları ürək üçün əsl təbii dərman hesab etmək olar.
Faktor.az saglamolun.az-a istinadən bildirir ki, bu məhsulları qidalanmaya daim daxil etməklə ürəyinizi cavan və sağlam saxlaya bilərsiniz.
Sizə ürək-damar sistemi üçün çox faydalı qarışığın reseptini təqdim edirik.
Bu mükəmməl qarışıq ürək üçün olduqca faydalı olan 2 məhsuldan ibarətdir - pomidor şirəsi və zeytun yağı.
Gündə 1 dəfə yeməkdən 40 dəqiqə sonra 1 çay qaşığı zeytun yağı əlavə olunmuş 1 stəkan təzə pomidor şirəsini için (duz əlavə olunmur!).
Qarışığın faydaları:
- ürəyi möhkəmləndirir
- yüksək arterial təzyiqi aşağı salır
- damarları möhkəmləndirir, onların elastikliyini artırır
- damarları təmizləyir
- damarlarda trombların əmələ gəlməsi riskini azaldır
- xolesterolun səviyyəsini aşağı salır
- qanın tərkibini yaxşılaşdırır.
Nəzərə almaq lazımdır ki, bəzi xəstəliklər zamanı bu qarışığın istehlakı sağlamlığa ziyan vura bilər. Bu bəzi mədə-bağırsaq sistemi xəstəlikləri (qastrit, xora və s.), böyrək və öd daşı xəstəliyi, podaqra və s.
