Bakıda ağır yol nəqliyyat hadisəsi baş verib. Avtoqəza Binəqədi rayonu Ziya Bünyadov prospektində qeydə alınıb.
Hadisə zamanı iki "BMW" və "Opel" markalı avtomobillər toqquşub. Ərazidə polis əməkdaşları araşdırmalar aparır. Xilasetmə məqsədilə FHN-in əməkdaşları da hadisə yerinə cəlb olunub.
Baş vermiş ağır yol qəzası nəticəsində 6 nəfər xəsarət alıb. Bunlar 10-MD-081 dövlət qeydiyyat nişanlı "BMW" markalı avtomobilin sürücüsü Həsən, avtomobildə olan sərnişin Aleksandr Naqutin, 99-FE-712 dövlət qeydiyyat nişanlı "BMW" markalı avtomobilin sürücüsü Tural Rəhmanov, həmçinin sərnişinlər - hamilə olan Marina, Teymur Quliyev və Elvin Niftəliyevdir. (APA)
