Paytaxtda tikiş sexində partlayış, xəsarət alanlar var
Bakının Qaradağ rayonunda tikiş sexi kimi fəaliyyət göstərən birmərtəbəli üç otaqlı tikilidə yanğınla nəticələnən partlayış baş verib.
Fövqəladə Hallar Nazirliyindən Oxu.Az-a verilən məlumata görə, nəticədə iki otağın yanar konstruksiyaları 37 kv.m sahədə yanıb.
Hadisə zamanı iki nəfər xəsarət alıb. Tikilinin qalan hissəsi yanğından mühafizə olunub. Yanğın söndürülüb.
