Azərbaycanlı qadın türkiyəli biznesmeni intim görüntülərlə şantaj edib
Gürcüstan polisi Marneuli şəhərində Azərbaycan vətəndaşı olan qadını şəxsi həyata müdaxilə və hədə-qorxu yolu ilə pul tələb etmək ittihamları ilə saxlayıb.
Faktor.az virtualaz.org-a istinadən bildirir ki, bu barədə Gürcüstan Daxili İşlər Nazirliyi məlumat yayıb.
Məlumata görə, istintaq yolu ilə müəyyən edilib ki, Marneulidə müvəqqəti yaşayan və fahişəliklə məşğul olan S.Z. adlı qadın bizneslə məşğul olan Türkiyə vətəndaşı A.A. ilə intim münasibətlərini çəkib. Daha sonra bu videokadrları internetdə yayacağı ilə hədələyərək biznesmendən iri məbləğdə pul tələb edib.
Lakin şantaj olunan türk polisə müraciət edib və Azərbaycan vətəndaşını türkiyəli biznesmendən pul alarkən yaxalayıblar. Onu irəli sürülmüş ittihamlar üzrə 4 ildən 7 ilə qədər həbs gözləyir.
