Beton daş parçası 7 yaşlı uşağın üstünə düşüb
Neftçalada azyaşlının xəsarət alması ilə nəticələnən bədbəxt hadisə baş verib.
Faktor.az report.az-a istinadən bildirir ki, hadisə axşam saatlarında rayonun Xolqarabucaq kəndində qeydə alınıb.
Belə ki, evin divarından qopan beton daş parçası 2011-ci il təvəllüdlü Xankişizadə Məhəmməd Ceyhun oğlunun üstünə düşüb. Ağır xəsarət alan azyaşlı Salyan Rayon Mərkəzi Xəstəxanasına çatdırılıb. Vəziyyəti ağır olduğundan M. Xankişizadə cərrahiyyə şöbəsinə qaldırılaraq əməliyyat olunub.
Faktla bağlı araşdırma aparılır.