Sürücü 2 piyadanı vurub qaçdı - 1 ölü, 1 yaralı - VİDEO - FOTOLAR
Bir piyadanı xəstəxanalıq edən sürücü, digərini də öldürüb qaçdı
Bərdədə baş verən yol qəzasında 17 yaşlı oğlan xəsarət alıb.
Faktor.az ARB TV-yə istinadən xəbər verir ki, hadisə şəhərin Heydər Əliyev prospektində qeydə alınıb.
Rayon sakini İlqar Məmmədovu yolu keçmək istəyərkən "VAZ-2107" markalı avtomobillə vurulub. Yaralı isə ətrafdakıların köməyi ilə Bərdə Rayon Mərkəzi Xəstəxanasına çatdırılıb. Ona ilkin tibbi yardım göstərilib.
Sürücü isə hadisə yerini tərk edib. Tərtər istiqamətindən qaçmaq istəyərkən, Bərdə-Tərtər yolunda Bərdə rayon yaşıllaşdırma idarəsinin süpürgəçisi 63 yaşlı Məlahət Yusifovanı vurub. Qadın aldığı xəsarətlərdən yerində ölüb, sürücü isə buradan da qaçıb.
Polis əməkdaşları məsuliyyətdən yayınmağa çalışan şəxsi saxlayıblar.