Liftdə qalan Bakı sakini - Xilas olundu
Bakıda liftdə köməksiz vəziyyətdə qalmış şəxs xilas olunub.
Faktor.az xəbər verir ki, Fövqəladə Hallar Nazirliyinin Böhran Vəziyyətlərində İdarəetmə Mərkəzinə Bakı şəhəri, Yasamal rayonunda 1 nəfərin liftdə köməksiz vəziyyətdə qalması barədə məlumat daxil olub. Dərhal Nazirliyin Xüsusi Riskli Xilasetmə Xidmətinin qüvvələri hadisə yerinə cəlb olunub. Liftin qapısı açılaraq vətəndaşın çıxmasına şərait yaradılıb. Əməliyyat saat 21:27-də başa çatıb.