Azərbaycanlı jurnalist vəfat etdi - YENİLƏNİB
23:58
Jurnalist Zabil Müqabiloğlu dünyasını dəyişib.
Faktor.az "Ölkə.Az"-a istinadən xəbər verir ki, barədə sosial şəbəkədə onun dostları məlumat yayıb. O, bu dəqiqələrdə 1 saylı kliniki xəstəxanada (Semaşko) dünyasını dəyişib.
Qeyd edək ki, uzun müddətdir xəstəlikdən əziyyət çəkən jurnalistin səhhəti ötən gecə qəfil pisləşib və o, koma vəziyyətində 1 saylı kliniki xəstəxanaya (Semaşko) yerləşdirilmişdi. Onda kəskin daxili qanaxma başladığı, həkimlərin qanaxmanı saxlaya bilmədikləri qeyd edilirdi.
Qeyd edək ki, Z.Müqabiloğlu sirrozdan əziyyət çəkirdi.
--------
12:21
Jurnalist Zabil Müqabil oğlunun səhhəti gecə saatlarında qəfil pisləşib və o, koma vəziyyətində 1 saylı kliniki xəstəxanaya (Semaşko) gətirilib. Yaxınlarının verdiyi məlumata görə, onda kəskin daxili qanaxma başlayıb.
Faktor.az musavat.com-a istinadən bildirir ki, gecədən indiyədək həkimlər qanaxmanı saxlaya bilmirlər və Z.Müqabiloğlu hazırda ölümlə mübarizə aparır, durumu son dərəcə kritikdir.
Qeyd edək ki, Z.Müqabiloğlu sirrozdan əziyyət çəkir və 3 ay öncə də qanaxma ilə xəstəxanaya yatırılmışdı.
