Murad Dadaşov xəstəxanaya yerləşdirilib
Lənkəran rayonunda mikroavtobus piyadanı vurub.
Faktor.az xəbər verir ki, "Report"un Cənub bürosunun məlumatına görə, hadisə rayonun Xarxatan kəndi ərazisində qeydə alınıb.
"Qazel" markalı mikroavtobus 1955-ci il təvəllüdlü Murad Dadaşovu vurub.
Hadisə nəticəsində ağır bədən xəsarətləri alan M.Dadaşov Lənkəran Rayon Mərkəzi Xəstəxanasına yerləşdirilib. Xəstəxanadan bildirilib ki, yaralıya aşağı ətrafların sınığı diaqnozu qoyulub.
Sürücünün şəxsiyyəti məlum deyil.
Faktla bağlı Lənkəran rayon Polis şöbəsində araşdırmalara başlanılıb.
