Naxçıvanda orta aylıq əməkhaqqı 19% artaraq 520 manata çatdı
Bu ilin yanvar-may aylarında Naxçıvan Muxtar Respublikasının iqtisadiyyatında bir işçiyə hesablanan orta aylıq əməkhaqqı 519,9 manat təşkil edib.
Faktor.az-ın Naxçıvan Dövlət Statistika Komitəsinə istinadən verdiyi məlumata görə, bu göstərici 2019-cu ilin müvafiq dövrü ilə müqayisədə 19% çoxdur.
Muxtar respublika üzrə orta aylıq nominal əməkhaqqının səviyyəsi ölkənin digər iqtisadi rayonları ilə müqayisədə daha yüksək olub.
