Azərbaycanda kənd təsərrüfatı işçilərinin peşə bayramıdır

102 dəfə oxunub
Azərbaycanda kənd təsərrüfatı işçilərinin peşə bayramıdır

Bu gün kənd təsərrüfatı işçiləri peşə bayramlarını qeyd edirlər.

Respublikamızda “Torpaq islahatı haqqında” qanun 1996-cı ildə qəbul olunub. Ümumxalq müzakirəsindən sonra torpaq islahatına dair dövlət proqramı və bu sahədə islahatın keçirilməsi üçün hərtərəfli hüquqi-normativ baza hazırlanıb. Bir neçə il ərzində qəbul edilən 50-dən çox fərman, qanun və digər hüquqi-normativ akt əsasında respublikamızda torpaq islahatı uğurla reallaşdırılıb.

Prezident İlham Əliyevin müvafiq sərəncamına uyğun olaraq, “Aqrolizinq” Açıq Səhmdar Cəmiyyəti yaradılıb.

Dövlət başçısı maldarlıq, quşçuluq və digər sahələrin inkişafı ilə bağlı da silsilə tapşırıqlar verib. Son illərdə aqrar-sənaye kompleksi də əsaslı şəkildə inkişaf edib. 2006-cı ilin iyul ayının 17-dən başlayaraq hər həftənin şənbə və bazar günlərində Bakı şəhərində kənd təsərrüfatı məhsullarının satış yarmarkalarının keçirilməsi də olduqca vacib tədbirlərdəndir.

Ümumilikdə, nümunəvi torpaq islahatı, aqrar-sənaye kompleksinin beynəlxalq təcrübə əsasında yenidən qurulması, meliorasiya və irriqasiya sisteminin köklü şəkildə inkişafı respublikamızda ərzaq təhlükəsizliyinin təmin edilməsi istiqamətində atılan mühüm addımlardandır.



Redaktorun seçimi