“iPhone 5” sahibləri öz smartfonlarını yeniləməyə məcbur edilir
“Apple” şirkəti “iPhone 5” sahiblərini tezliklə smartfonun funksionallığının məhdudlaşdırılacağı ilə bağlı xəbərdarlıq edib. “iOS” sisteminin köhnə versiyasından istifadə edənlər xoşagəlməz halların qarşısını almaq üçün 3 noyabr tarixinədək 10.3.4 versiyasını quraşdırmalıdırlar.
Əks halda istifadəçilər veb səhifələrə və “App Store”yə baxa, e-poçt göndərə, “iCloud” sisteminə daxil ola, vaxt və tarixin düzgün göstərilməsi ilə əlaqəli digər funksiyalardan istifadə edə bilməyəcəklər.
Xatırladaq ki, “iPhone 5” smartfonu 2012-ci ildə satışa çıxarılıb. “Apple” korporasiyası bu yaxınlarda “iOS 13” mobil əməliyyat sistemi ilə bağlı statistikasını paylaşıb.
Oktyabrın 15-nə olan məlumata görə, şirkətin smartfonlarının 50%-i sözügedən sistemin idarəetməsi altında işləyir. Smartfonların 41%-i “iOS 12”, 9%-i isə əvvəlki versiyaların idarəetməsi altında işləyir. (ICTnews)
