Azərbaycana avtomobil idxalı artıb

Hit: 288
Azərbaycana avtomobil idxalı artıb

2019-cu ilin yanvar-may aylarında Azərbaycana 15 585 avtomobil idxal olunub ki, bu da ötən ilin eyni dövrü ilə müqayisədə iki dəfədən də çoxdur.

Faktor.az Trend-ə istinadən bildirir ki, bu barədə Dövlət Gömrük Komitəsinin hesabatında deyilir.

Bu ilin ilk beş ayı ərzində 14 170 minik maşını idaxl edilib. Bu rəqəm 2018-ci ilin yanvar-may ayları ilə müqayisədə 2,2 dəfə çoxdur. İdxal olunan 10 və daha çox sərnişin daşıyan nəqliyyat vasitələrinin sayı 70-ə bərabər olub. Bundan başqa, 1274 yük maşını (71,5 faiz artım), 71 xüsusi təyinatlı nəqliyyat vasitəsi idxal olunub.

İdxal həcminin ümumi məbləğinə gəldikdə isə, hesabat dövründə idaxl olunan nəqliyyat vasitələrinin və ehtiyat hissələrinin dəyəri 451,97 milyon dollar təşkil edib ki, bu da ötən ilin ilk beş ayı ilə müqayisədə təxminən 51 faiz çoxdur.









Redaktorun seçimi