2024-cü ilin sürprizi: - Dollar bahalaşır
2024-cü il qlobal investorlar üçün bir sıra gözlənilməz inkişaflar gətirdi. Bu sürprizlərdən biri də dolların möhkəmlənməsi olub. Dolların ucuzlaşacağını proqnozlaşdıran investorlar, FED-in faiz dərəcələrini endirməsini təxirə salması səbəbindən mövqelərini yenidən nəzərdən keçirməli olurlar.
Daha çox geosiyasi gərginlik dolları təhlükəsiz sığınacaq kimi dəstəkləyən amilə çevrilib. Bu hadisələr dünyanın ikinci ən böyük fond idarəçiliyi şirkəti olan Vanguard Group-un dolların uzunmüddətli artımını proqnozlaşdırmasına səbəb olub. UBS Asset Management dolların normal dəyərindən 20 faiz baha olmasına baxmayaraq, yəqin ki, daha da artacağını proqnozlaşdırır. Wells Fargo İnvestisiya İnstitutu da dolların bahalaşmasının 2025-ci ilə qədər uzanacağını düşünür.
Vanguard-dan Ales Koutny, "Əgər digər ölkələr ABŞ-ın artımı və inflyasiya göstəriciləri ilə ayaqlaşa bilməsələr, dolları almaqdan başqa çarə qalmayacaq. Əvvəllər bizim üçün dollar almaq çox taktiki ticarət idisə, indi daha uzunmüddətli strategiyaya çevrilib", -deyib.
