Gəncə İş Adamları İctimai Birliyi ilə görüş keçirilib
Gəncə İş Adamları İctimai Birliyi ilə görüş keçirilib
Kiçik və Orta Biznesin İnkişafı Agentliyi (KOBİA) biznes assosiasiyalarla sıx əməkdaşlıq edir, yeni sahibkarlar birliklərinin yaradılmasını dəstəkləyir.
Yanvarın 11-də KOBİA-nın İdarə Heyətinin sədri Orxan Məmmədov bu yaxınlarda yaradılmış Gəncə İş Adamları İctimai Birliyinin İdarə Heyətinin sədri Zəfər Məmmədov ilə görüşüb.
Görüşdə Gəncə-Daşkəsən iqtisadi rayonunda sahibkarlığın inkişafına, Gəncə İş Adamları İctimai Birliyi ilə əməkdaşlıq perspektivlərinə, o cümlədən birgə tədbirlərin təşkilinə və regiona investisiyaların cəlb olunmasına dair fikir mübadiləsi aparılıb.
