Abşeronda kinoa bitkisi toxumunun yığım prosesi davam edir - FOTOLAR
Əkinçilik Elmi-Tədqiqat İnstitutu bir neçə bölgədə, o cümlədən Abşeron Yardımçı Təcrübə Təsərrüfatında Kinoa bitkisinin səpinini həyata keçirib.
Fərqli əkin üsulları, normaları və səpin müddətləri tətbiq etməklə becərilməsi həyata keçirilən Kinoa sahəsində müxtəlif növ və yarımnövlər var. Artıq bu nümunələr üzərində seleksiya işlərinə başlanılıb. Hazırda 120 günlük növlərdə təkrar əkinlər aparılmış Kinoa sahələrində toxum yığımı hissə-hissə həyata keçirilir.
Gələcəkdə Kinoa bitkisinin yeni sortlarının yaradılması və sertfikatlı toxum istehsal etməklə fermer təsərrüfatlarında geniş sahələrdə əkilməsi planlaşdırılır.
