“YUĞ”da təklif, sonra elçilik olacaq
Mayın 11-də "YUĞ” Dövlət Teatrının yaradıcı kollektivi "Təklif. Elçilik” tamaşasını nümayiş etdirəcək.
Teatrdan bildirilib ki, səhnə əsərinin quruluşçu rejissoru Günay Səttar, quruluşçu rəssamı Əməkdar rəssam Rəşid Şerif, bəstəkarı Əməkdar artist Vüqar Camalzadədir.
Tamaşada Əməkdar artist Vidadi Həsənov, aktyorlar Zümrüd Qasımova və Elgün Həmidov çıxış edəcək. Səhnə əsəri A. Şaiq adına Dövlət Kukla Teatrının binasında göstəriləcək.
Qeyd edək ki, sənət ocağının yaradıcı kollektivi Mədəniyyət Nazirliyinin dəstəyi ilə bir neçə beynəlxalq festivalda "Təklif. Elçilik” tamaşası ilə ölkəmizi təmsil edib.
