Xalq artisti 75 yaşını səhnədə keçirdi
Xalq artisti Hacı İsmayılov 75 yaşını teatrda qeyd edib. O, ötən gün rol aldığı “Qəribə, çox qəribə əhvalat” tamaşası ilə Akademik Milli Dram Teatrının səhnəsinə çıxıb.
Doğum günün qeyd edən aktyoru izləyənlər arasında Prezident Administrasiyası Humanitar siyasət məsələləri şöbəsinin müdiri Fərəh Əliyeva, mədəniyyət naziri Əbülfəs Qarayev, Azərbaycan Teatr Xadimləri İttifaqının sədri Azərpaşa Nemətov və başqaları olub.
Tamaşadan sonra Azərbaycan Teatr Xadimləri İttifaqının sədri adından yubilyara təbrik məktubu və hədiyyə təqdim olunub. Naziri Əbülfəs Qarayev Hacı İsmayılovu 75 illiyi münasibətilə təbrik edərək Azərbaycan Prezidenti İlham Əliyevin yanvarın 21-də sənətkarın “Şöhrət” ordeni ilə təltif olunması haqqında sərəncam imzaladığını diqqətə çatdırıb.
