“Balaca şahzadə” Musiqili Teatrda

122 dəfə oxunub
“Balaca şahzadə” Musiqili Teatrda
 Azərbaycan Dövlət Musiqili Teatrında "Balaca şahzadə” tamaşasının məşqləri davam edir. Görkəmli fransız yazıçısı Antuan dö Sent Ekzüperinin eyniadlı əsəri əsasında hazırlanan tamaşa yaxın zamanlarda teatrsevərlərin ixtiyarına veriləcək.
Teatrdan bildirilib ki, tamaşanın quruluşçu rejissoru, Xalq artisti Cənnət Səlimova, quruluşçu rəssamı Məryəm Ələkbərli, xoreoqraf Sergey Gritsay, baletmeysterlər, Əməkdar artistlər Zakir Ağayev, Yelena Ağayeva, musiqi rəhbəri, Əməkdar artist Vaqif Məstanov, rejissoru, Əməkdar artist Nofəl Vəliyevdir.
 Tamaşanın bədii yaradıcı heyətinə baş dirijor, Əməkdar incəsənət xadimi Fəxrəddin Atayev, ədəbi hissə müdiri, Əməkdar mədəniyyət işçisi Telli Pənahqızı, truppa müdiri, Əməkdar mədəniyyət işçisi Vidadi Həsənov daxildir.

 



Redaktorun seçimi