ƏSA Teatrı Parisi partladacaq

133 dəfə oxunub
ƏSA Teatrı Parisi partladacaq

Azərbaycanın ilk və tək inklüziv teatrı olan ƏSA Teatrı tezliklə yeni premyerasını təqdim edəcək.

Teatrdan verilən məlumata görə, hazırda yeni tamaşanın məşqləri davam edir.

Azərbaycan Xalq Cümhuriyyətinin 100 illik yubileyinə yeni premyerası ilə töhfə verməyi düşünən ƏSA Teatrı yerli dramaturgiyanın ən parlaq əsərlərindən birinə müraciət edib.

Teatrın baş meneceri Nicat Qulam bildirib ki, təkcə Azərbaycanın deyil, bütün türk-müsəlman dramaturgiyasının banisi, görkəmli mütəfəkkir Mirzə Fətəli Axundzadənin “Hekayəti Müsyö Jordan və Dərviş Məstəli Şah” pyesinin motivləri əsasında “Paris partladı” tamaşası teatrsevərlər üçün maraqlı quruluşda hazırlanır. ƏSA Teatrı tamaşanın premyerasını həm də görkəmli dramaturqun yubileyi ərəfəsində təqdim etməklə, Şərqin Molyeri hesab olunan M.F.Axundazadəyə ehtiramını bildirir.

Qeyd edək ki, yarandığı vaxtdan yalnız dünya ədəbiyyatının parlaq əsərlərini səhnələşdirən ƏSA Teatrı ilk dəfə yerli dramaturgiyaya müraciət edib. Tamaşanın bədii rəhbəri Nihad Qulamzadə, baş meneceri Nicat Qulam, quruluşçu rejissoru Elşən Əsgərov, multi-media meneceri Elxan Xanəlizadədir.


loading...
loading...

Redaktorun seçimi